Евгений Ким 1976 с. тохсунньу 29 к. Самарканд куоракка төрөөбүтэ. Оскуолаҕа үрдүкү кылаастарга классическай тустуунан дьарыктаммыта. Кини бастакы тренерэ Эйнштейн Борис Львович эбит. Борис Львович Узбекистан биир бастыҥ тренерэ эбит, кэлин олохтон барбыт. Евгений греко-римскэй тустууга Узбекистан чемпиона уонна Узбекистан маастара буолбут. Израильга норуоттар икки ардыларынааҕы турнирга тахсан туста сылдьыбыт уонна III м ылбыт. Эдэрдэр ортолоругар Олимпийскай резервэ оскуолаларын ССРС-ка күрэхтэһиитигэр IV м буолбуттаах.

         2001 с. Үөһээ Бүлүүгэ көһөн кэлэр уонна тута хапсаҕайдаһан барар. Аан маҥнай Нам нэһилиэгин ыһыаҕар тустар. Онтон аҕыйах хонон баран оройуон ыһыаҕар тустарын көрбүппүт, бириистээх миэстэҕэ киирбэтэҕэ. Евгений илиитигэр күүстээх буолан баран  хапсаҕайы сатаабат этэ. Онтон эрчиллэн, эриллэн, тустууктары кытта тэҥҥэ дьарыктанан үүнэн-сайдан барбыта, элбэхтик тустан опытырбыта. Кэнники ситиһиилэрэ манныктар: 2014 с. Ньурбаҕа В. Ефремов бирииһигэр 80 кг II м; 2014 с. бэс ыйын 24-25 кк. улуус ыһыаҕар 70 кг I м; 2016 с. олунньу ый 19-21 кк. В.И. Степанов-Буучугурас турнирыгар 70 кг ветераннарга I м; 2016 с Клавдий Захаров бирииһигэр I м.; бэс ыйыгар улуус ыһыаҕар I м; кулун тутар ый 12-13 кк. П.Е. Алексеев бирииһигэр III м; Үөһээ Бүлүү Мэйик ыһыаҕар 70 кг II м; 2017 с. Тамалакааҥҥа Е. Прокопьев бирииһигэр 70 кг I м; Н.К. Докторов-Бычырдаан бирииһигэр республиканскай турнирга  I м ; 2017 с. муус устар ый 8-9 кк. С.Е. Степанов-Түргэн бирииһигэр I м; 2016 с. республика хапсаҕайга Федерация Кубогар хамаанданан тустууга I м. Женя бу тустууга ветераннарга 80 кг тустубута, биэстэ тустан биэс хотуулаах күрэхтэһиини түмүктээбитэ.