Любомир 1983 с. балаҕан ыйын 1 к. Нам нэһилиэгэр төрөөбүтэ, 2001 с. М.А. Алексеев аатынан республиканскай гимназияны, 2006 с. Саха Государственнай университетын ситиһиилээхтик үөрэнэн бүтэрбитэ.

         Любомир “Дыгын оонньуутун” курдук саха бэртэрэ күрэхтэһиилэрин биир күүстээх кыттааччыта. Мас тардыһыытыгар Саха Республикатын спордун маастара, абсолютнай чемпиона. Сахалыы көрүҥнэр многоборьеларын биир күүстээх спортсмена, Манчаары Спартакиадатын 2013 с. II призера.

         Любомир Николаев хапсаҕай тустуунан анаан-минээн дьарыктамматаҕа, бэйэтэ күүстээх-уохтаах бөҕө киһи буолан аҕыйах сыл иһигэр дьарыктанаат спорт маастара буолбута. Кини 2011 с. аатырбыт хапсаҕайдьыт В.Н. Ефремов 80 сааһыгар анаммыт республиканскай турнир 90 кг ыйааһыннаахтарга II м ылбыта уонна 16 бөҕөс кыттыылаах абсолютнай тустууга, финалга Саха Республикатын спордун маастарын, үс төгүллээх призерун, Азия чемпионун Федор Даниловы охторон чемпион буолбута, 2012 с. Г.А. Попов бирииһигэр ыытыллыбыт республикатааҕы турнир III призера, “Дыгын оонньууларыгар” хапсаҕай тустуу көрүҥ быһыытынан киирэр, онно Любомир күүстээх хапсаҕайдьыт буолан “Дыгын оонньууларыгар” ситиһиилээхтик кыттарыгар хапсаҕайа улаханнык көмөлөһөр