Айаал Романович 1979 сыллааҕы төрүөх. Кини көҥүл тустууга уонна хапсаҕайга улахан ситиһиилэммит спортсменынан буолар. Көҥүл тустууга РФ спордун маастара. Хапсаҕайга СР спордун маастара. Үөдүгэй нэһилиэгин бочуоттаах гражданина.

1994 с. орто саастаах уолаттарга Россия чемпиона, оҕолорго СР чемпиона.

1995 с. оҕолорго Россия Азиятааҕы зонатын чемпиона, Москваҕа ыытыллыбыт Россия финалын II призера, Элистаҕа ыытыллыбыт Россия сүүмэрдиир күрэхтэһиитигэр маҥнайгы миэстэлээх, оҕолорго СР чемпиона.

1996 с. Дьокуускайга “Азия оҕолоро” I Аан дойдутааҕы оонньуулар чемпиона, Улан-Удэҕэ “Президент кубога” диэн международнай турнир 46 кг чемпиона.

1998 с. Н.Н. Тарскай кубогын чемпиона, СГУ күрэхтэһиилэригэр чемпион.

2002, 2003, 2005 сс. Н.Н. Тарскай бирииһин иһин көҥүл тустууга республика чемпионатыгар 55 кг үстэ бастаабыта.

2002 с. Сослан Андиев бирииһигэр Аан дойдутааҕы турнирга чемпион аатын ылбыта.

2003 с. Хандыгаҕа ыытыллыбыт СР норуоттарын III спортивнай оонньууларыгар 55 кг чемпион.

Петр Еремеевич Алексеев кэриэһигэр ыытыллар хапсаҕайдаһан тустууга СР чемпионатыгар түөрт төгүл чемпионнаабыта: 2000 с. — Дьокуускайга, 2007 с. — Майаҕа, 2010 с. — Чурапчыга, 2011 с. — Дьокуускайга.

Хапсаҕай тустууга Федерация кубогын иһин күрэхтэһиигэ 2007 с. чемпион.

Баһылай Манчаары XVIII Спартакиадатыгар 2009 с. Бүлүү куоратыгар эр дьоҥҥо 55 кг — III м ылбыта.

Баһылай Манчаары XIX Спартакиадатыгар 2013 с. Чурапчыга эр дьоҥҥо 62 кг — чемпион.

Кинини маҥнайгы тренерэ Данил Егорович Корякин эрчийэн тустуу улахан түһүлгэлэригэр таһаарбыта.