Степан Анатольевич 1979 с. ахсынньы 14 к. Быракаан нэһилиэгэр төрөөбүтэ. Аҕата Анатолий Николаевич Родионов, ийэтэ Зинаида Степановна. Родионовтар дьиэ кэргэннэрэ  аҕыс оҕолоох. Оҕолор оскуолаҕа сүрдээх үчүгэйдик үөрэммиттэр. Үс уол — Степан, Николай, Анатолий спордунан утумнаахтык дьарыктаммыттар. Оҕолор бары үрдүк үөрэхтээхтэр, үлэһиттэр. Родионовтар дьиэ кэргэннэрэ нэһилиэккэ сытыары сымнаҕас майгыларынан, үлэҕэ-хамнаска эппиэтинэстээх сыһыаннарынан, оҕону дьиэ кэргэҥҥэ иитиигэ үтүө холобур буолалларынан сүрдээх үчүгэй сыанабылы ылбыт ыаллар. Ыччаттарын үөрэттэрээри Дьокуускай куоракка көһөн барбыттарыгар, чугас уруу-аймах ырааппытын курдук, нэһилиэк дьоно-сэргэтэ сайыһа хаалбыттара.

С.А. Родионов 2004 уонна 2005 сс. улууска 10 бастыҥ спортсмен иһигэр киирбитэ.

Хапсаҕайдаһан тустууга СР спордун маастара.

Степан 1997 с. Саха Республикатын 18-гар диэри саастаах оҕолорго хапсаҕайдаһан тустууга абсолютнай чемпиона, 2004 с. П. Алексеев бирииһигэр республикаҕа хапсаҕайга 55 кг чемпион, 2005 с. П. Алексеев бирииһигэр республикаҕа хапсаҕайга 62 кг чемпион.