Владимир Македонович Үөһээ Бүлүү оройуонугар 1973 с. төрөөбүтэ. Хапсаҕайга СР спордун маастара.

Владимир 1986 с. И. Барахов аатынан орто оскуола 7-с кылааһыгар үөрэнэ сылдьан  көҥүл тустууга кыра саастаах уолаттар ортолоругар Саха сирин “Урожай” ДСО уобаластааҕы Сэбиэтин кыайыылааҕа буолар, 1988 с. көҥүл тустууга үөрэнээччилэргэ Уһук Илин уонна Сибиир зонатын II призера, Саха АССР-га чемпион үрдүк аатын ылар, 1991 с. көҥүл тустууга Бүлүү зонатын чемпиона, Үрдүкү спортивнай маастарыстыба оскуолатын республикатааҕы күрэхтэһиитин чемпиона буолар.

Владимир 1991 с. Виктор Алексеев бирииһин иһин международнай турнирга V миэстэҕэ тахсар, 1992 с. хапсаҕайга Буучугурас бирииһин иһин V республиканскай күрэххэ II миэстэлэнэр, Н.К. Докторов-Бычырдаан бирииһин иһин улуус аһаҕас чемпионатын чемпионунан буолар, 1993 с. бу күрэхтэһиини иккистээн кыайар, 1995 с.  Н.К. Докторов-Бычырдаан бирииһин иһин улуус аһаҕас чемпионатыгар II миэстэҕэ тахсар, 1997 с. бу түһүлгэни эмиэ кыайар.

Владимир 2002 с. Петр Алексеев кэриэһигэр ыытыллыбыт хапсаҕайдаһан тустууга абсолютнай чемпион үрдүк аатын ылар. 2005 с. Н.К. Докторов-Бычырдаан аатынан II республиканскай турнир II призера буолар.