Дьулустаан Васильевич Дүллүкү нэһилиэгэр 1987 с. от ыйын 6 к. Василий Тарасов дьиэ кэргэнигэр төрөөбүтэ. Дьулустаан олох кыра эрдэҕиттэн Илья Мордовской тустуутун секциятыгар көҥүл, хапсаҕай тустуунан тэҥҥэ дьарыктаммыта. Маҥнайгы ситиһиитинэн 2000 с. Кырыкыйга ыытыллыбыт аатырбыт бөҕөс Түргэн бирииһигэр 28 кг ыйааһыннаахтарга чемпионнааһына буолбута.

         Дьулустаан 2005 с. В. Румянцев республикатааҕы турнирыгар II м ылар, 2006 с. Ньурбаҕа В.Н. Ефремов бирииһигэр I м ылар, 2007 с. В.Н. Ефремов бирииһигэр II м ылар. Онон бу турнирдарынан СР спордун маастарын нуорматын толорор.

         Дьулустаан 2008 с. В. Румянцев бирииһигэр II м, 2010 с. Буучугурас бирииһигэр III м ылар. Университет аһаҕас турнирыгар маастар нуормалаах турниры эмиэ кыайбыта.

2011 с. Эдьигээҥҥэ Олимпийскай чемпион Р.М. Дмитриев бирииһигэр анаммыт хапсаҕай турнирыгар II м ылбыта.

Көҥүл тустууга оҕо сылдьан ситиһиилээхтик тустубута. Сунтаарга Россия 4 чемпионун бирииһин кыайбыта, “Боотурдар оонньууларыгар” миэстэлэспитэ, П. Пинигин бирииһигэр III м ыла сылдьыбыта.