Федоров Семен Спиридонович 1994 с. кулун тутар 19 к. Тамалакаан нэһилиэгэр күн сирин көрбүтэ. Дьиэ кэргэҥҥэ иккис уол оҕо. Кыра эрдэҕиттэн спорду өрө тутан улааппыта. Алын сүһүөх кылаастан тустуунан дьарыктаммыта. Бастакы тренерэ Уйгуров Павел Васильевич буолар, онтон Терентьев Егор Ивановичка эрчиллибитэ. Тренердэр араас таһымнаах күрэхтэһиилэргэ тиһигин быспакка илдьэ сылдьан туһуннарбыттара. Ордук хапсаҕайы ордорон дьаныардаахтык эрчиллибитэ, ол иһин ситиһии түргэнник кэлэн барбыта, 2013 с. хапсаҕайга СР спордун маастара буолбута.

Улууска Улуу тунах ыһыахтарыгар 62, 70, 80 киилэлэргэ хас да төгүл бастаабыта.

2012 с. хапсаҕайга Үөһээ Бүлүү улууһугар оҕолорго «Өбүгэлэр оонньуулара» күрэхтэһии «Аан Дарханын» аатын ылбыта.

2012 с. хапсаҕайга Үөһээ Бүлүү улууһун баһылыгын В.С. Поскачин бирииһигэр 1 миэстэлээх.

2012 с. эдэрдэргэ М.К. Аммосов аатынан ХИФУ абсолютнай чемпиона.

2013 с. Марокко куоракка ыытыллыбыт Аан дойдутааҕы кумахха тустуу 70 киилэҕэ үрүҥ көмүс призера.

2014с. Чурапчыга ыытыллыбыт XIX Манчаары Спартакиадатын кыттыылааҕа.

2014 с. Р.М. Дмитриев аатынан I Аан дойдутааҕы көҥүл тустуу турнирын чэрчитинэн ыытыллыбыт хапсаҕайга эдэрдэргэ абсолютнай чемпион буолбута.

2014 с. хапсаҕайга 70 киилэҕэ Монголия чемпиона.

2015 с. хапсаҕайга 80 киилэҕэ Монголия чемпиона.

         Республикаҕа аатырбыт тустууктар Эрчимэн Бэргэн, С.Н. Алексеев-Сэмэнчик, В.С.  Румянцев, Н.А. Иванов-Бэстээх, Н.П. Корякин уо.д.а. бириистэригэр ыытыллыбыт турнирдар хас да төгүллээх чемпионнара.