А.М. Назаров ССРС народнай учуутала М.А. Алексеев аатынан Үөһээ Бүлүүтээҕи лицей-интернатка үөрэнэ сылдьан Дьокуускайдааҕы национальнай гимназияҕа көһөн 10 кылааска бэрт ситиһиилээхтик үөрэнэ сылдьар.

         Афанасий шахмат оонньуутунан начальнай кылаастарга үөрэнэ сылдьан утумнаахтык дьарыктанан барбыта. Талааннаах уолу таба көрөннөр Донской Д.Д., Родионов Ю.В. бэйэлэрин секцияларыгар ыҥыран системалаахтык эрчийэн барбыттара. Афанасий оскуолатыгар уонна улууска үөрэнээччилэргэ ыытыллар күрэхтэһиилэргэ мэлдьи бастыыр уонна бириистээх миэстэлэри ылаттаан буһуу-хатыы оскуолатын ааспыта. Оттон оҕолорго республикаҕа чемпионнаабыта, быйыл III призерунан буолла. 2012 с. Бурятияҕа ыытыллыбыт “Байкальские зори-2012” XIX норуоттар икки ардыларынааҕы турниры кыайан баран, ити сыл Новосибирскай куоракка ыытыллыбыт “Отважная пешка” ХХI норуоттар икки ардыларынааҕы шахматнай фестивальга үһүс миэстэни ылбыта. Быйыл Дьокуускайга улахан дьоҥҥо 2200 кыра рейтиннээх турнирга күүстээхтик оонньоон бастакы миэстэни эрэллээхтик ылла.

         Аркадий Назаров билигин утумнаахтык эрчиллэ, оонньуутун үөһүгэр сылдьар, онон киниттэн саҥаттан саҥа кыайыылары кэтэһэбит.