Евдокия бииргэ төрөөбүт эдьиийэ Саиналыын сыллатааҕылар, 2005 с. Үөһээ Бүлүү сэлиэнньэтигэр күн сирин көрбүтэ. Евдокия эдьиийэ Саина курдук саахымакка бэйэлэрин өйдүүр буолуохтарыттан таттаран оонньууллар. Кинилэри бэрт кыра эрдэхтэриттэн саахымат дьикти эйгэтигэр төрөппүттэрэ сиэтэн киллэрбиттэрэ уонна кыра кылааска үөрэнэ сырыттахтарына Д.Д. Донской, Ю.В. Родионов курдук билиилээх-көрүүлээх, оҕолорго үтүө сыһыаннаах тренердэргэ туттарбыттара. Кинилэргэ эрчиллэн Саина уонна Евдокия элбэх ситиһиилэммиттэрэ. Евдокия 2013, 2014, 2015 сс. оҕолорго республика чемпионаттарыгар призердаабыта, 2016 с. чемпион үрдүк аатын ылбыта.

         Евдокия билигин ССРС народнай учуутала М.А. Алексеев аатынан Үөһээ Бүлүүтээҕи республиканскай лицей-интернатка 5 кылааска ситиһиилээхтик үөрэнэр, саахыматынан утумнаахтык дьарыктанар. Кырачаан Евдокияҕа үөрэҕэр, спортка ситиһиилэри баҕарыаҕыҥ!