Саина 2004 с. Үөһээ Бүлүү сэлиэнньэтигэр төрөөбүтэ, ССРС народнай учуутала М.А. Алексеев аатынан Үөһээ Бүлүүтээҕи республиканскай лицей-интернатка 6 кылааска ситиһиилээхтик үөрэнэр.

         Саина саахыматынан 6 сааһыттан үлүһүйэн туран дьарыктанар, үөрэҕи кытта спорду сөптөөхтүк дьүөрэлээн үөрэҕэр да, спортка даҕаны кэккэ ситиһиилэрдээх, биир эрэнэр, кэтэһэр ыччаппыт буолар.

         Саинаны начальнай кылаастартан ыла саҕалаан Д.Д. Донской, Ю.В. Родионов курдук үтүөкэннээх тренердэр эрчийэллэр, саахымат кистэлэҥнэригэр уһуйаллар. Саина төһө да кылгас кэмҥэ дьарыктаннар, үрдүк көрдөрүүлэрдээх, үгүс кыайыылардаах. Кини оҕолорго республиканскай күрэхтэһии кыайыылааҕа, призера, 2013 с. оҕолорго Уһук Илин уонна Сибиир Федеральнай уокурук чемпионатын III призера, 2014 с. Москваҕа ыытыллыбыт “Московское открытие” норуоттар икки ардыларынааҕы турнирга ситиһиилээхтик оонньообута, 2017 с. Төҥүлүгэ буолбут СР бастакы президенэ М.Е. Николаев бирииһигэр республиканскай шахматнай олимпиада чемпионката. Саамай үөрүүлээҕэ Саина 2014 с. оҕолорго Россия үрдүкү лигатыгар оонньуур.

         Талааннаах кыыспытыттан Саинаттан өссө үрдүк ситиһиилэри эрэнэ күүтэбит.