Христина Васильевна дуобакка Россия спордун маастарыгар кандидат. 1956 с. ыам ыйын 6 к. Үөһээ Бүлүү оройуонугар  Быракаан нэһилиэгэр төрөөбүтэ. 1981 с. Благовещенскайдааҕы тыа хаһаайыстыбатын институтун бүтэрэн үрдүк үөрэхтээх зооинженер буолбута. Үөрэҕин бүтэрэн баран,  “Дүллүкү” совхозка зоотехнигынан,  1986-1993 сс. “Өргүөт” совхозка экономиһынан үлэлээбитэ. 1993 с. ИПКРО-ҕа  биолог-химик курсугар үөрэнэн баран, Өргүөт оскуолатыгар учууталынан уонна дуобат тренеринэн үлэлээбитэ.

         Христина Васильевна оҕолорго республика призера, Үөһээ Бүлүү оройуонун дьахталларга хас да төгүллээх чемпионката, Бүлүү регионун күрэхтэһиилэрин призера, республика күрэхтэһиитигэр 1972, 1973 сс. 4 миэстэни ылаттаабыта.

Тренердэрэ — Тобохов Владимир Романович, Николаев Николай Николаевич.