Николай Саввич дуобакка ССРС спордун маастарыгар кандидат.

1955 с. алтынньы 5 к.  Үөһээ Бүлүү нэһилиэгэр төрөөбүтэ. Хоро оскуолатыгар 8 кылааһы бүтэрэн баран, салгыы 2 №-дээх оскуолаҕа физико-математическай кылааһы  үөрэнэн  бүтэрбитэ. Дьокуускайдааҕы государственнай университетка математика учууталыгар үөрэммитэ. Харбалаах, Дүллүкү, Хоро оскуолаларыгар математика учууталынан үлэлээбитэ, 1999 с. М.А. Алексеев аатынан Үөһээ Бүлүүтээҕи республиканскай гимназияҕа үлэлээбитэ.

 Николай Саввич Саха Республикатын үөрэҕириитин туйгуна, Саха Республикатын бастакы президенэ М.Е. Николаев стипендиата, норуоттар икки ардыларынааҕы  Соровской программа  үөрэҕирии уонна точнай наука Дмитрий Зимин династиятын фондатын  «Знанием победишь» 4 төгүллээх дипломана. Российскай Федерация үөрэхтээһиҥҥэ уонна наукаҕа Министерствотын грамотатынан наҕараадаламмыта.

Ситиһиилэрэ:

Сүүс харахтаах дуобакка 1983 с.  Саха сирин «Урожай» ДСО күрэхтэһиитин чемпиона, 2014 с. 3-с призера, Бүлүү  улуустарын  региональнай күрэхтэһиилэрин  чемпиона, призера, Үөһээ Бүлүү улууһун 13 төгүллээх чемпиона.

Тренерэ — Николаев К.Т.