Кондратьев Александр Константинович 1972 с. кулун тутар 20 к. төрөөбүтэ. Дуобатынан кыра эрдэҕиттэн дьарыктанан 5-6 кылаастан саҕалаан оскуоланы бүтэриэр дылы Таатта оройуонун иhигэр оҕолорго наар бастакы миэстэни ылара. Алтыс кылааска бастакы разряды, онтон сэттис кылааска кандидат нуорматын толорбута.

Аан маҥнай дуобат кэрэ оонньуутун угуйбут, албастарын үөрэппит Таатта улууһун бочуоттаах олохтоохторо Российскай Федерация үтүөлээх тренерэ  Кычкин Николай Николаевич уонна Саха сирин физическай культуратын туйгуна, Россия үөрэҕириитин туйгуна Куприянов Василий Васильевич буолаллар.

1985 с. Александр Покровскай куоракка "Эрэл" оҕо спортивнай оонньууларыгар иккис миэстэни ылбыта. Ол кэнниттэн элбэх улуустааҕы уонна республиканскай турнирдарга бириистээх миэстэлэргэ тиксэрэ. 1988 с. Улан-Удэ куоракка Бурятия аhаҕас чемпионатыгар чаҕылхайдык оонньоон кыайыылаах үрдүк аатыгар тиксибитэ. Кэлин 1999 с. Саха сирин оҕолорго чемпиона буолар. Саха сирин сүүмэрдэммит хамаандатыгар киирэн Советскай Союз элбэх куораттарыгар – Казань, Алма-Ата, Юрмала, Улан-Удэ, Курган дуобат күрэхтэhиилэригэр ситиһиилээхтик кыттар.

1993 с. Саха сирин алта көлүөнэ дуобатчыттарын 10 доскаҕа  хамаанданан  күрэхтэhиилэригэр хамаанданан 2 миэстэ буолбуттара.

1999 с. Үөhээ Бүлүүгэ олоруоҕуттан улуустааҕы, региональнай уонна республиканскай күрэхтэргэ наар бириистээх миэстэлэри ылар. 2009 уонна 2010 сс. улуус чемпионаттарын икки төгүллээх чемпиона буолар.

2014 сыллаахха “Урожай” ДСО республикатааҕы хамаанданан күрэҕэр 3 миэстэ буолар. 2016 с. Сочига ыытыллыбыт Россия Кубогар үчүгэйдик кыттыбыта.