Нуучча уонна 100 харахтаах дуобаттарга ССРС спордун маастарыгар кандидат, биллиилээх тренер Константинов В.С. 1945 с. Бүлүү куоратыгар төрөөбүтэ.

         Владимир Семенович Бүлүү орто оскуолатын үөрэнэн бүтэрбитэ уонна төрүт дойдутугар Үөһээ Бүлүүгэ кэлэн олохсуйбута, үлэлээбитэ.

         Владимир Семенович Үөһээ Бүлүү улууһун, Бүлүү зонатын элбэх төгүллээх чемпиона уонна призера, республика хас да төгүллээх призера.

         Кини кэлин отуттан тахса сыл Нам нэһилиэгэр олорбута уонна оҕо спортивнай оскуолатын дуобакка тренеринэн айымньылаахтык, тахсыылаахтык үлэлээбитэ. Владимир Семенович эрчийбит оҕолоруттан дуобакка Россия спордун маастарыгар кандидаттар үүнэн тахсыбыттара, улууска, Бүлүү зонатыгар, республикаҕа элбэхтик миэстэлэспиттэрэ, Россия уонна Европа таһымыгар ситиһиилээхтик оонньообуттара.