Дмитрий Никифорович Хоро нэһилиэгэр 1954 с. төрөөбүтэ. Дмитрий оҕо эрдэҕиттэн нуучча дуобатыгар, 100 харахтаах дуобакка ылларбыта, хайатыгар да бэркэ оонньуура. Дмитрий дуобат теориятын күүскэ баһылаабыт киһи этэ. Дмитрий Никифорович үрдүк үөрэхтээх математика учуутала, үгүс ыччаты наука сарыыссата — математикаҕа уһуйбута, үөрэппитэ.

         Дмитрий Үөһээ Бүлүү оройуонугар дуобакка күүскэ оонньуура, ыалдьыар дылы кимиэхэ да хотторбот этэ. Дмитрий икки дуобакка иккиэннэригэр оройуоҥҥа, Бүлүү зонатыгар элбэх сыл бастаабыта. Кинини кытта араа-бараа И.А. Николаев, Н.С. Дмитриев, В.С. Константинов оонньууллара да, үксүн Дмитрий кыайталыыр этэ. Хас да сыл республика чемпионаттарыгар кыттан үчүгэйдик оонньообута, Спартакиадаҕа улууһун чиэһин көмүскээн II дуоскаҕа чемпион буолбута. Дмитрий Федоров кэмигэр өйөммүтэ, үбүлэнэн элбэх Россия, норуоттар икки ардыларынааҕы турнирдарга элбэхтик кыттыбыта буоллар ССРС спордун маастарыгар үлэлэһиэ хааллаҕа, хомойуох иһин кини биир да маастар нуормалаах турнирга кыттыбатаҕа, ол эрэн маастар таһымыгар холкутук оонньуура.